ASLE OG ALIDA
Grieghallen – laurdag 29.3 til fredag 4.4.
Verdspremiere!
Bergen Nasjonale Opera og Bergen Filharmoniske Orkester gjev deg kjærleikshistoria om Asle og Alida, med tekst av Nobelpris-vinnaren Jon Fosse og tonar av Bent Sørensen.
Tilsette ved Universitetet i Bergen tilbys rabatterte billettar til førestillingane på laurdag 29.3 og mandag 31.3.
Laurdag 29.3 kl. 18.00
Kr. 575/520/450/190
Mandag 31.3 kl. 19.00
Kr. 450/400/350/150
(Ordinære priser alle dagar kr. 900/800/700/300)
Trykk her for kjøp av billettar til rabattert pris
Velkomen til verdspremiere på operaen Asle og Alida, signert forfattaren Jon Fosse og komponisten Bent Sørensen. Den kjende regissøren og Fosse-spesialisten Sofia Adrian Jupither skal gje scenisk liv til denne tidlause og gripande forteljinga her i Bergen.
Fleire år før Jon Fosse mottok Nobelprisen i litteraturen i 2023, vart han spurd av den då påtroppande operasjefen Eivind Gullberg Jensen i Bergen Nasjonale Opera om å skapa teksten til ein ny opera.
Fosse valde kjærleikshistoria frå Trilogien, om dei to fattige tenåringane Asle og Alida som seglar inn til byen Bjørgvin. Dei leitar etter ei trygg hamn i ei hard verd, og søkjer trøyst i musikken og i kvarandre.
Når alle nektar å opna dørene for den unge felespelaren og den gravide kjærasten hans, tek han drastiske val.
«For mig handler operaen om de tre bibelske begreber: Tro, Håb og Kærlighed, og frem for alt om sammensmeltningen mellem de tre. Troen på håbet, håbet om kærlighed, og som altid: Størst af alt er kærligheden.
I Asles og Alidas tilfælde rækker kærligheden så ud over døden – døden skiller dem ikke ad. Musikken forsøger at fange den skønhed og gru, der ligger i kampen for kærligheden.» Bent Sørensen